* زجل : علاش ممكنك مستحيل ؟؟؟

الزجال المغربي الأستاذ ادريس الكرش

- علاش ممكنك مستحيل ؟
- واش منك ولا منو ؟
-ولا من خزان سعدك لي تيسيل ؟؟
- وعلاش الطريق واضحة وانت غادي تتميل ؟
- واش زمانك لي فاقد عقلو , ولا شكون فيكم لهبيل ؟
- يا الطالع فوق الغمام /واش ناوي تسرق عيون الليل ؟
- عييت نسقصي ونسال ,ونترجى منك جواب
- خاب ظني فيك وعاتبت لساني...
- لساني يا لساني يا ذاك الطويل
- يا الحبل , يا اللوايا ...
- راه ما عمر الممكن كان مستحيل
- كيف ظل الشجرة موجود / ما يبان ف اليوم الظليل
- ارسل شعاك على ايامك
- يبان ظلك ,وي لاكان أعوج , علامن اللومة ؟
- اللومة على الوقفة /والظهر المقوس الى شفا
- بان العربون ...يا الناعس ...
- واش عرفتي علاش ممكنك مستحيل ؟؟؟
- فيك خمسة من لهبال :
-1 غادي ف الطريق وما ترد البال
-2 تالف عليها وما ترض تسال
- 3 راكب على حمار وناوي تسابق لبغال
-4- فرطتي ف المعقول يا التالف
- 5 – ودرتي من الباطل راسمال
- عود لصوابك , يرجع ممكنك شلال
- يروي فدان ايامك
- ولا تحاول تسقي من البير بلا حبال ؟؟؟؟؟؟؟؟؟